Kralendijk – E kònsel general resien nombrá di Merka stashoná na Kòrsou, sr.
Christian R. Olsen, a realisá un bishita di sera konosí serka gezaghebber Edison Rijna. E bishita a tuma lugá djabièrnè 21 di yüni. Despues di a interkambiá di idea ku otro gezaghebber Rijna a gradisí Christian Olsen pa su bishita, i na nòmber di gobièrnu di Boneiru a opsekiá e kònsel general un álbum konteniendo paisahenan di Boneiru i tambe un produkto netamente boneriano. Dor di Ministerio di Asuntunan General i Promé Minister Dia 6 i 7 di yüni último representantenan di Direktorado di Kontròl di Riesgo i Maneho pa Kalamidat i Direktorado di Asuntunan Eksterior (Min. AZ.) a atendé e konferensia titulá “Human Mobility in the Context of Disasters and Effects of Climate Change in the Caribbean” na Trinidad & Tobago.
E konferensia a ser organisá dor di Caribbean Migration Consultations, Platform on Disaster Displacement, International Organization for Migration i UNHCR (The UN Refugee Agency). Un total di 15 paisnan di den Karibe a atendé e konferensia akí, entre otro Aruba, St. Maarten, Trinidad & Tobago, Jamaica, Guyana, Surnam, British Virgin Islands, Antigua & Barbuda, Cuba, St. Lucia i St. Vincent & The Grenadines. E diferente paisnan a manda representante di entre otro nan organisashonnan di desaster, imigrashon i ministerio di Defensa. Alabes tabatin representante di CDEMA (Caribbean Disaster Emergency Management Agency), UN Refugee Agency Platform i di UNDRR (United Nations Disaster Risk Reduction). Meta di e konferensia tabata pa wak kon ta atendé ku persona ku pa motibu di efektonan di klima, por ehèmpel orkan, mester a bandoná nan pais i evakuá pa un otro pais. A papia di e diferente kriterio di kon e prosedura di evakuashon tin ku kana i kon paisnan den Karibe por traha huntu pa yuda persona ku pa motibu di un kalamidat lo no por regresá nan pais mesora. Tambe a trata tópikonan ku tin di aber ku migrashon, efektonan di kambio di klima riba paisnan den Karibe, kon por brinda otro yudansa den kuadro di kalamidat fortifikando relashonnan den eksterior, interkambio di konosementu, i eksperensia den kuadro di preparashon pa krísis i kalamidat den Karibe. Kòrsou tin eksperensia den brinda yudansa na evakuadonan di otro pais. Na aña 2017 despues di e impakto di orkan Irma na St. Maarten, Kòrsou a fungi komo ‘First Safe Port of Entry’ pa evakuadonan di St. Maarten. Mirando e eksperensia di 2017 i teniendo kuenta ku un situashon di evakuashon por presentá den futuro atrobe, e konferensia a kontribuí pa sa kua proseduranan i tambe leinan mester ta vigente durante un situashon asina. Ademas, un situashon di desaster por presentá na Kòrsou mes tambe. P’esei bon preperashon i koperashon ku otro pais den region ta nesesario i di suma importansia. Gobièrnu di Kòrsou ta sigui prepará pa mitiga e efektonan ku un krísis òf kalamidat por tin riba Kòrsou. Preparashon pa temporada di orkan ku a start 1 di yüni 2019 i ta terminá 30 di novèmber tambe ta andando. Regularmente e ‘Rampenbeheersingsorganisatie’ di Kòrsou ta reuní i tambe frekuentemente ta trein. Pa keda informá aboná riba e number di ‘Whatsapp Kalamidat’ mandando un mensahe pa 519-1234. Tambe por bishitá nos wepsait: www.kalamidat.cw. ‘Download’ nos app ‘Kalamidat’ grátis den ‘App Store of Google Play’ i bishitá nos pagina di Facebook: RisicobeheersingCuracao. Di 25 te ku 27 di yüni, Sekretario di Estado Knops (Asuntu Interno i Relashon den Reino) i Sekretario di Estado van Ark (Asuntu Sosial i di Labor) ta hasi un bishita di trabou na Sint Maarten, Saba i Sint Eustatius. E bishita di Sekretario di Estado Knops riba 25 i 26 di yüni na Sint Maarten ta den kuadro di resultadonan konkreto. E ke mira ku su mes wowo kon ta bai ku rekonstrukshon di e isla. Pa e motibu aki e lo bishitá algun proyekto mará na e rekonstrukshon ku a realisá ku sèn for di Hulanda. Bou di esaki ta kai tambe reparashon di kasnan. E ta bishitá proyektonan grandi i chikí di konstrukshon di bibienda i ta papia ku habitante i kontratistanan. Tambe e ta papia ku komersiantenan ku pa medio di yudansa mikro krédito a kuminsá di nobo ku nan empresa. Tambe e ta bai papia ku hendenan ku a kuminsá ku un trabou nobo den konstrukshon i/òf horeka despues ku nan a pasa dor di un trayekto di (re)edukashon. Sekretario di Estado van Ark lo bishitá Saba riba 25 i 26 di yüni. E lo bai wak un proyekto di konstrukshon sosial riba e isla i lo hiba kombersashon ku famianan tokante di pobresa i (e servisio di ) yudansa ku debe. Tambe e lo bishitá e restorant Different Taste, kual ta ofresé personanan ku no por subi fásil riba e merkado laboral, un chèns pa kue eksperensia den kushina i den servisio. Riba 26 di yüni van Ark ta biaha pa Sint Eustatius, kaminda e lo pasa na un akohida di mucha i tambe na un proyekto pa mediashon laboral. Ámbos mandatario lo finalisá nan bishita den e region Karibense riba 27 di yüni ku un bishita huntu na Sint Eustatius. E parti aki di e programa ta partikularmente den kuadro di e reunion intergubernamental ku Sint Eustatius, Saba i Boneiru, tokante di mehorashon di e “ijkpunt” (punto di referensia) di e mínimo sosial. Kralendijk – Kapitan di Haf i KNMI ta konsehá tur piskadó i personanan ku a plania
pa subi laman dia 19 i 20 di yüni pa nan ta kouteloso debí na e bientu duru i laman brutu. Botonan chikitu mester ta kouteloso. Riba djárason 19 i djaweps 20 di yüni ta spera bientu fuerte for di Oost entre 39 pa 49 kilometer pa ora. E altura di e olanan lo subi gradualmente di averahe te brutu. Por spera ola di 8 te ku 9 pia. KNMI lo keda monitor e situashon i si e aviso bira un atvertensia mas grave nos lo komuniká esaki. Sea kouteloso i tuma e prekoushonnan nesesario. Supervishon di koriente i awa di bebe na Hulanda Karibense awor for die parti Europeo di Hulanda.6/19/2019 Autoriteit Consument & Markt (ACM) ta responsabel pa supervishon di
koriente i awa di bebe na Hulanda Karibense. Awor esaki ta bai tuma lugá for di e parti Europeo di Hulanda. Den e añanan tras di lomba ACM tabatin dos representante trahando na Hulanda Karibense ku a duna forma na e supervishon ku ACM ta responsabel pe. Ku e kompania i instansianan konserní a hiba vários kombersashon tokante kiko esaki ta nifiká eksaktamente pa nan. Awor ACM ta sera su ofisina na Kaya Pedro Luis Brion na Boneiru. Representantenan di ACM regularmente lo ta riba bishita di trabou na Hulanda Karibense. Miembro di direktiva di ACM Henk Don ta splika: “For di 2015 ACM ta presente di forma permanente na Hulanda Karibense. Durante di e temporada ei nos a siña konosé e situashon spesífiko aki hopi bon. Awor e supervishon por kontinuá for di e parti Europeo di Hulanda. Nos ròl ta pa stipulá tarifanan máksimo ku ta stimulá e kompanianan pa mehora nan efisiensia i na mes momentu duna nan espasio pa tin un rendimentu rasonabel riba nan invershon.” Ta komplementá e aksesibilidat pa konsumidó ku supsidio kaminda ta nesesario di parti di gobièrnu di Reino. Pa loke ta trata kontenido nada no ta bai kambia den e trabou ku ACM ta hasi pa Hulanda Karibense. Pa konsumidó tambe ta masha poko ta bai kambia. Por drenta den kontakto ku ACM di e maneranan kustumbrá; bishita e website https://www.acm.nl/nl/onderwerpen/acm-op-bonaire-sint-eustatius-en- saba pa informashon.dit. Kralendijk – Resientemente 9 empleado di Direktorado di Komunidat i Kuido
(Entidat Públiko Boneiru), e unidat di RCN Asuntunan Sosial i Empleo (SZW), Forma i Mental Health Caribbean a terminá e entrenamentu di ‘servisio na doño di trabou’ eksitosamente. E entrenamentu a keda organisá den kuadro di ‘twinning’ entre Hulanda Karibense i e munisipio di Leiden pa reinforsá mediashon pa merkado laboral riba nos islanan. E partisipantenan di e 4 diferente organisashonnan na Boneiru tur ta okupando nan mes ku mediashon laboral. Nan a haña ku tabata hopi edukativo pa partisipá konhuntamente na e entrenamentu aki, haña tep i puntonan di referensia práktiko i spesialmente tambe pa hasi palabrashonnan tokante kon konhuntamente por mehorá servisio na doñonan di trabou na Boneiru. Entrenadó Dorien Versteeg: ‘Esta un grupo di partisipante motivá i enbolbí i kuantu kos bon ta sosodé kaba. Doñonan di trabou ta di balor inpagabel pa mediashon laboral i ta hopi bunita ku esei ta haña atenshon akinan tambe’. Durante e entrenamentu entre otro e partisipantenan a siña kon pa forma struktura den kombersashon ku doñonan di trabou i kon pa informá i konsehá doñonan di trabou na un manera uniforme for di e diferente organisashonnan. Di e manera aki nan por ehersé nan trabou riba tereno di mediashon di merkado laboral mas mihó. Ingrid Sealy, hefe di departamentu di Sosten Sosial i Labor: ‘Aña pasá mi tabata na Leiden pa e programa di interkambio i ayanan mi a sera konosí ku e Tim di Doño di Trabou. Mi a keda impreshoná pa e manera kon nan ta atendé ku esei ayanan i mi tabatin gana di esei pa Boneiru tambe. Ku e entrenamentu aki, ku den un bunita koperashon nos a adaptá lokalmente, nos a pone un base ku kua nos por sigui mas aleu den e Plenchi di Trabou tambe ku nos ta bai kuminsá nobo kuné’. Na klousura di e entrenamentu diputado Den Heyer a hasi entrega di sertifikado i un biaha mas a pone énfasis riba importansia di un bon relashon ku doñonan di trabou pa asina yega na mediashon laboral eksitoso. Kòrsou 13 di yüni 2019
Sr. Hensley Koeiman pa medio di un karta dirigí na direktiva di Partido MAN ta indikando ku e ta pone su puesto di lider polítiko na disposishon di partido. Komo partido responsabel ku ta respetá su reglanan ankra den statuto i tambe reglanan doméstiko ta kana e proseder korekto di kual esaki tambe ta e kaso relashoná ku e desishon di sr Koeiman. Partido MAN lo atendé ku e karta di sr Koeiman na su debido tempu. Sr Koeiman aktualmente Minister di SOAW i alabes miembro di Partido MAN ta den eksterior ehersiendo su trabou i na momentu di su regreso lo kaba di deliberá ku su persona relashoná ku su karta na Direktiva. Na e momentunan aki partido su konsentrashon ta pa yena e posishon di minister di Desaroyo Ekonómiko i atendé ku e situashon finansiero di País ku ta rekerí tur atenshon mirando e posibel instrukshon di Reino (aanwijzing) i su konsekuensianan pa Kòrsou. Manera ta konosí sr Gijsbertha ta okupando 2 funshon pareu di kual esaki ta pone un preshon enorme riba su persona. Partido MAN lo informá pueblo di Kòrsou di e desishon di partido MAN despues di kana e prosedura manera ya a indiká. Direktiva di Partido MAN Willemstad- Frakshon di PIN a wòrdu aserka i a tuma nota di un situashon ku ta reina den nos kuerpo di bombero lokal (“Brandweer Curaçao”) i den kual e bombero nan a pidi atenshon. Den e aparato públiko di Pais Kòrsou tin algun departamento ku mester ta habri i/òf ta 24/7 den operashon. Nos kuerpo di bombero ta un dje departamento nan aki ku mester tin trahadó 24/7 kla para pa kualke insidente ku por tuma lugá. Dependé di nan tarea, algun di nan ta haña nan ta laborá hasta durante dia nan di fiesta. Esaki ta e kaso pa bombero nan tambe. Na momentu ku algu sosodé, nan mester tei pa por duna servisio mas lihé posibel. Debí na e tarea aki, e bombero nan ta bin na remarke pa risibí sierto pagonan pa laborá entre otro riba dia di fiesta, pero tambe pa por disfrutá di e dia liber aki riba un otro dia. Sr. Calmes a tuma nota di un situashon n’e departamento di bombero di Kòrsou kaminda no ta kumpli ku un anunsio ku Gobièrnu di Kòrsou a publiká. Esaki ta nifiká ku no ta kumpliendo ke empleado públiko ku ta laborá na kuerpo di bombero di Kòrsou i di un forma no hustu ta trapa un derechi ku e empleado públiko a atkerí. E kuerpo di bombero di Kòrsou por ta un kuerpo mediano pero grandi ta e trabounan ku nan ta desplegá. Awendia nos tur por a tuma nota ke trabou di bombero no ta solamente paga kandela, pero tambe ta yuda durante aksidente di outo pa liberá víktima nan for di situashon nan kompliká, solushoná insidente nan na momentu ku tin zeta riba kaminda, saka hende òf bestia for di diferente situashon nan di emergensia i hasta tambe ta duna asistensia ora tin ku saka hende for di laman brutu. Sigun Calmes: “Si un dia, sea mi kas òf di kualke otro persona ta na kandela riba dia di fiesta, lo mi ke pa nos bombero nan yuda ku hopi ánimo riba e dia di fiesta tambe” Ta inkreibel ku den 2019 ainda tin trahadó nan den aparato públiko ta konfrontá e tipo di situashon nan aki ainda i ta insolito ku tin disputa riba e kosnan aki ketu bai. Gobièrnu di Kòrsou a saka un anunsio i esaki tur hende mester kumpli kuné, punto. “Esaki ta konta pa Kuerpo di Bombero Kòrsou tambe”; sigun Calmes. Pe motibu aki Sr. Calmes, ta bai aserka Minister Konket, di Ministerio di Maneho di Gobernashon, Planifikashon i Servisio Públiko, pa por a laga koregí e situashon aki ku ta eksistí na nos kuerpo di bombero di Kòrsou. Nos bombero nan meresé un trato igual. Rennox Calmes Frakshon di PIN /Parlamentario
Willemstad- Ku alegria Parlamentario Sr. Calmes di Frakshon di PIN a tuma nota den prensa ku Hotel Marriott ta kabando ke proyekto di rekonstrukshon i a anunsiá ku ta bai habri su porta nan bek promé ku òktober 2019.
Frakshon di PIN a tuma nota den prensa ku Hotel Marriott ta buskando hende pa diferente vakatura ku nan tin. Sr. Calmes ta aploudí ámbos proseso sigur mirando ku Kòrsou no ta pasando den su mihó momento nan. Nos desempleo general ta 13.4% i 29.3% di hubentut ta sin trabou, konforme sifra nan di Sentral di Statistik di Kòrsou. No opstante e desaroyonan positivo den sektor turístiko i pa ku re-apertura di Hotel Marriott, Frakshon di PIN ta preokupá pa historia no ripití i ke evitá esaki. Manera ta konosí den pasado, un otro kadena hotelero a bai buska trahadónan for di eksterior pasombra sigun nan nos lokalnan no tabata tin kualifikashon i grado di kompetensia ku nan ta eksihí. Despues nos por a mira i aktualmente ta pruebá ku nos trahadó nan lokal por hasi e trabou. Den kuadro di loke a pasa den pasado, Sr. Calmes ta ekspresá su preokupashon pe aspekto di labor i pa Ministerio di Desaroyo Sosial, Labor i Bienestar aktua diligente i na tempu. Sr. Calmes su deseo ta ku primeramente yu di tera hañá trabou. Pe sektor turístiko tambe nos no tin e luho aktualmente pa otro nan bin hasi trabou ku nos mes hende nan por. P’esei Frakshon di PIN a dirigí un karta pa Minister Koeiman di Desaroyo Sosial, Labor i Bienestar, puntrando kon Gobièrnu por i ta yudando den e proseso di atkerí i buta hende na trabou den e proseso aki. E sektor di turismo a bini ta krese i teniendo kuenta ke desaroyonan sperá ta bon pa nos hende nan tin kualifikashon i grado di kompetensia pa por traha na kualke hotèl di renombre. Gobièrnu mester ta proaktivo i fasilitá desaroyo. Den e proseso aki Gobièrnu mester tuma liderato i hunga un ròl di importansia dor di entre otro yuda ku “training” pa mantené nos hende nan kompetente i sòru ku kuponan di trabou ta wòrdu yena ku hende lokal. Kada un hende mas na kas, ta un di mas. Sigun Calmes: “Mi ta konvensí ku si Gobièrnu “join” sektor priva den e tipo di proseso nan aki esaki lo tin balor agregá pa kada yu di tera ku kier traha den turismo” Rennox Calmes Frakshon di PIN /Parlamentario Awe, djárason 12 di yüni, pa mas o ménos 2 or di atardi sentral di polis a risibí notifikashon ku mester tin un sambuyadó den problema na altura di Punt Vierkant. Personal di ambulans ku a akudí na e sitio a purba reanimá e víktima pero en bano. Ela bin fayesé.
Gosa di COPA AMÉRICA 2019 na Brasil, kuminsando djabièrnè awor 14 di Yüni 7:45 or di anochi via e kanalnan lokal EKSKLUSIVO: TV Direct 13 i Radio Direct 107.1FM!
Sospechoso di transporte di 60 kilo di kokaina detené
Riba djarason 12 di juni 2019 a realisá detenshon di un homber di inisialnan E.E.D.J. di 42 aña di edat na Boneiru. E homber aki ta wordu sospechá di a transportá 60 kilo di kokaina ku avion for di Boneiru pa Amsterdam na luna di juni 2018. E detenshon ta resultado di un investigashon intensivo di parti di Recherche Samenwerkingsteam (RST), koninklijke Marechaussee (KMar) i Kuerpo Polisial Hulanda Karibense (KPCN). Despues di e detenshon a kondusí un buskeda intensivo den kolaborashon ku un unidat spesialisá di defensa militar na un kas riba kaya Nikiboko Zuid. E kaso ta sigui bou di investigashon Hoofdverdachte transport 60 kilo cocaïne aangehouden Op woensdag 12 juni 2019 is op Bonaire een 42-jarige man met de initialen E.E.D.J. aangehouden. Hij wordt er van verdacht verantwoordelijk te zijn voor het transport van 60 kilo cocaïne per vliegtuig van Bonaire naar Amsterdam in juni 2018. De aanhouding is het gevolg van uitgebreid onderzoek door het Recherche Samenwerkingsteam (RST), de Koninklijke Marechaussee (KMar) en het Korps Politie Caribisch Nederland (KPCN). Na de aanhouding is met ondersteuning van een gespecialiseerde eenheid van defensie een huiszoeking uitgevoerd in en om een woning aan de Kaya Nikiboko Zuid. Het onderzoek wordt voortgezet. Kaso Maximus
Rekisitorio Fiskal Rip 30 aña demanda pa Jorge Jamaloodin Rip ta duda den deklarashon di Jamaloodin i bisa ku e ta gaña hopi. No tin niun otro alternativa sino esun di Fonseca i Jamaloodin. No ta eksklui e posibilidat ku Jamaloodin a organisá e asesinato ku mas hende. Segun Rip ainda tin Dos Santos i Schotte pero eseinan mester wak nan foi un otro skina. Wiels tabatin kontakto ku Eric Kok pa otro motibu sino di duna informashon riba kriminal. Motibu segun Rip: rabia riba Wiels. Jamaloodin a duna Fonseca e orden. Ta un morto polítiko. Straf Demanda: 30 aña Tin preokupashon pisa na e momento nan aki despues ku tin 45 persona a subi laman for di Venezuela i tabata rumbo pa Kòrsou i no a tende di nan mas. Tin un búskeda a kuminsá pa wak si por topa ku e personanan aki.
Frekuentemente venezolanonan ta sali for di Venezuela i bin Kòrsou pa un mihó biba. No tur bes kos ta resultá bon i asta den pasado tabatin kurpa a drif i bin kanto i a bin resultá despues ku ta hendenan ku a bini for Venezuela ku no a logra di yega ku bida. Ayera tabatin e promé dia dje kasonan ku tin kontra di èks minister George Jamaloodin. Tin vários kaso kontra dje sospechoso i a kuminsá primeramente riba e kaso kaminda e èks minister a tuma 450 mil florin ku tabata destiná pa traha un vèlt pa sentro Divi Divi. Tantu abogado i e akusado a bisa wes ku e ta aseptá ku kulpabilidat den e kaso aki i ku ya for di dia 13 di mart 2017 a depositá e sèn aki bèk i ku no tin sentido keda riba e kaso aki i pa sigui ke e otro kasonan ku e ke demostrá ke ta inosente. Wes tòg a puntra vários pregunta relashoná ku e kaso aki. Aparte di esaki mester atendé e parti falsifikashon di dokumento, "inkeer regeling" i tambe e parti ku ta enbolbí den kaso di asesinato di Helmin Wiels. E 2 abogadonan Sulvaran i tambe Martha ta defendé e sospechoso. E sospechoso mes a bai Boneiru atardi i lo regresá mainta tempran awe pa asina sigui ku e di dos dia awe.
Kralendijk - Algun ratu pasa alrededor di 10.35or di mainta a realisá detenshon di un homber ku inisialnan S.J.M di 24 aña di edat. Relashoná ku e kaso di atrako na Van den Tweel.
Ta trata di e di (3) tres detenshon den e kaso aki despues ku den oranan di mainta a hasi detenshon di A.B.D. di 32 aña di edat. Mientras ku den fin di siman pasa a detene e homber di inisial L.C.M. di 50 aña, ku tabata e prome sospechoso ku a keda detene. Investigashon den e kaso aki ta kontinua. DETENSHON TA SIGUI KAI DEN KASI ATRAKO ARMA VAN DEN TWEEL. Kralendijk - Alrededor di 6.25or di mainta tim di recherche a tene un buskeda den un kas den bario di Antriol i a realisá detenshon di un homber ku inisialnan A.B.D di 32 aña di edat. Relashoná ku e kaso di atrako na Van den Tweel.Nos selekshon nashonal a titulá kampion di e 49 edishon di King’s Cup 2019 aya na Thailand. Esaki, ora nos a gana Vietnam ku skor di 5-4 na tirunan penal despues ku e enkuentro a kaba ku skor di 1-1. Jurich Carolina a anotá e úniko gol pa nos selekshon durante e tempu reglamentario i mas despues Vietnam a empatá e partido ku a terminá na un empata di 1 gol. Mes ora a bai na tirunan penal kaminda Kòrsou a anotá tur 5 pinalti miéntras Vietnam a logra anotá solamente 4 i asina nos a a bira e ekipo kampion di e torneo aki. Kampion: Kòrsou Supkampion: Vietnam Terser Puesto: India Di 4 lugá: Thailand Manera ya nos a informá, e torneo aki ta parti di e preparashonnan pa Gold Cup 2019 ku lo bira e próksimo torneo ku nos selekshon lo forma parti di dje. Nos hungadónan residensiá na Kòrsou lo regresá djamars, 11 di yüni, miéntras esnan residensiá den eksterior lo sigui via Hulanda pa nan respektivo destinashonnan. E siman aki mes nos selekshon lo biaha pa Jamaica pa enfrentá El Salvador durante nos promé partido di Gold Cup 2019 ku lo tuma lugá dia17 yüni próksimo. 21 yüni nos lo enfrentá Honduras durante nos segundo partido di Gold Cup na Houston miéntras nos terser partido lo ta 25 yüni kontra Jamaica na Los Angeles. Despues di e partidonan aki nos lo sa si nos a klasifiká pa e segundo buèlta di Gold Cup 2019. Nos selekshon nashonal ku ta rumbo pa Gold Cup 2019 ta sigui konta ku pueblo di Kòrsou kompletu komo e di 12 hungadó! Keda pendiente pa mas informashon…Famianan dialuna a haci denuncia na Capitania di Haf di La Vela pa desaparición di por lo menos 45 persona cu a bandona e pais den forma clandestino direccion di e costanan di Aruba, Boneiro y Corsou, en busca di un miho bida.Den oranan di atardi di dialuna, famianan a avisa autoridadnan maritimo di e situacion cu ya den fin di siman a yega na oido di medionan di comunicacion. Segun e informacion, mayoria di esnan cu a bay den e boto ta residentenan di un bario cu yama Colina, cu a keda masha hopi afecta economicamente door di e cierre di frontera cu a paralisa e relacionnan comercial pa tres luna caba cu e islanan ABC. E cierre aki a bini despues cu a bisa cu ayudo humanitario ta bay Venezuela via di Corsou, cu ta fungi como un hub pa transporte di e mercancianan. E cierre di frontera a causa un caida den entrada di e propio caha di Gobierno cu mil dollar semanalmente di loke e comerciantenan tabata paga na impuesto di importacion. Pero en general e decision di Venezuela a afecta 20 mil persona di barionan di Colina, Falcon, Carirubana, Monseñor, Iturriza y Silva. Ta conoci di manera extraoficial cu e boto cu a sali ta tipo peñero, y a subi lama diasabra ultimo for di San Jose de la Costa Falcon, cu destino pa Corsou. E mesun informe extra oficial ta bisa cu e tripulantenan a wordo deteni door di autoridadnan di Corsou.Warda Kosta a topa un kurpa sin bida riba laman den aria di Bullenbaai. E persona tabata riba laman i tabatin vèst di salba bida bisti. A hasi trámite pa trese kantu i aki nan laga outoridatnan sigui atendé ku e kaso aki pa determiná ta ken e persona ta |
radio bibu |