pronto nos ta on bek ku notisia nan i mas great pa nos sigido nanNota internashonal: E aktor komediante TJ Miller a keda detené na e aeropuerto di LaGuardia New York despues ku ta sospecha ku el a yama bisa ku tin un bòm den e trein Amtrak luna pasa ku a resultá di ta inkorekto despues.
El a keda detené i a akus'é pa loke el a hasi. E aktor a logra di paga 100 mil dòler pa asina e por sali i warda su kaso bini dilanti korte. E aktor a bira konosí despues di a hunga den e seri "Silicon Valley" E barkunan di fruta ku lo kièr bini Korsou, ainda ta wardando na Vela di Coro. Segun e bendedónan aki ainda Maduro no ta laga nan sali. E motibu no ta konosí.
E plan ta pa djadumingu anochi nan sali i yega djaluna mainta na Kòrsou. E ruta ta dura mas o ménos 9 pa 10 ora. E ministerio di Enseñansa a pèrdè 27 mion florin. E sèn aki na 2010 tabata reserva pa mantené e skolnan. Despues ku gabinete Schotte lo a bini na mando e sèn lo a wòrdu usá pa otro propósito. E propósito mes no ta konosí ainda.
Minister di enseñansa lo a pidi su kolega Kenneth Gijsbertha pa investigá e desaparishon misterioso aki. Pueblo Sobernao tabata e partido ku na 2010 tabatin e funshon di ministerio di Enseñansa Nota internashonal: Un avion militar ku a sali for di e aeropuerto di Boufarik Algeria, a kai despues di a kaba di lanta buelo. Ta informá 257 persona a pèrdè nan bida. E avion a kai den un área kaminda ta hasi agrikultura. A logra saka par di persona na bida i grave esaki nan a keda transportá ku ambulans pa hospital.
Djamars 3 di aprel 2018, alrededor di 11.03 or, Sentral di Polis a risibí notifikashon di un kaso di hinkamentu ku a tuma lugá na un hotèl den área di Otrobanda. Na yegada di e patruya polisial na e sitio nan a bai den un kamber di e hotèl i a topa ku un dama i un hòmber ku tabatin un kòrtá chikí na su garganta.
For di un investigashon preliminar ku polis a hasi na e sitio, a resultá ku e dama tabatin e intenshon di hinka su amigu ku un sker na su garganta, pero e no a logra esaki. Den e kamber polis a haña i konfiská un estuche konteniendo algun saku chikí di mariwana. Tambe a haña i konfiská un saku chikí lorá ku mariwana aden riba un mesa den e kamber. Na e sitio polis a detené e hòmber J.C.L. nasé na Kòrsou di 40 aña di edat, pa violashon di Lei di Opio i e dama T.M.L.C. nasé na Kòrsou di 21 aña di edat, pa violashon di Lei di Opio i maltrato. A presentá e sospechosonan dilanti un Fiskal Ouksiliar. E Ministerio di Enseñansa ta atmití ku e programa DiBo de fakto mester a keda habrí.
E instituto a keda será pa e ministerio den komienso di e aña aki, ku a kita e lisensia di e instituto di SBO aki. Pero esaki no a sosodé segun e prosedura korekto. E preokupashon tokante e kalidat di e edukashon ta permanesé, segun e minister. Miéntras ku Maduro tene e frontera será pa Kòrsou, e bendedónan di fruta venezolano no ta bonbiní. Esaki promé minister Rhuggenaath a informá. Barkunan ku sali for di Venezuela mester bira bèk.
Tras di kortina diplomátikonan ta buskando un solushon pa e fronteranan será, pero te ainda esaki ta sin resultado. Polis ta investigando un denunsia di un alumno kontra un dosente di Goilo School na Julianadorp. E ta wòrdu akusá di intimidashon i abuso seksual. E dosente lo ta bini for di Hulanda i lo ta traha 17 aña kaba na e skol.
E alumno, un mucha muhé di 11 aña lo a hasi denunsia huntu ku su mama kontra di e dosente. Insel Air a fia 1.5 mion dollar di Postbank. Ku sèn aki e kompania lo por hasi un mantenshon importante di e avion Fokker 50. Posiblemente Insel Air lo por oumentá su 'backup' tambe ku e sèn aki.
Insel Air ya kaba tin un fiansa di 33 mion florin serka gobièrnu. Abogado Achim Henriquez ke buska un solushon struktural pa asistí klientenan den prizòn SDKK. Vários abogado no por a yuda nan klientenan ekstranhero.
Pero e problema aki ta eksisti pa otro klientenan tambe. Nan tambe ta wòrdu strobá di haña yudansa legal. Personal di prizòn lo ta hunga un ròl den esaki. Hulanda lo no duna yudansa finansiero, si venezolanonan bandoná nan pais i bai Aruba òf Kòrsou.
E Sekretario di Estado di e Ministerio di Asuntunan Interior i Relashonnan den Reino, Knops, ta konsiderá e problema di refugiadonan venezolano un problema ku e islanan mes mester resolvé. Kòrsou i Aruba a spera ku nan lo a haña yudansa di Hulanda. Kuminsando fin di yüni TUI lo tin un buelo adishonal pa Kòrsou. E pedido pa pasa un fakansi ku solo ta kresiendo, ku ta pone ku nan a disidí di pone un buelo adishonal promé ku planiá.
Djárason 4 di aprel 2018 Korte ta bai trata un asina yamá ‘verkeerszitting’ na unda esnan ku a haña but ta haña oportunidat pa defendé nan kaso. Ta bon pa apuntá si no paga e but promé ku 6 di febrüari 2018, ta kore e riesgo ku den Korte e but ta subi.
Ministerio Públiko (OM) Kòrsou ta invitá tur outomobilista ku but, ku ta bai ser tratá dia 4 aprel, pa bin paga e but promé ku 4 aprel pa evitá un subida innesesario di e but. Ofisina di “Paga Bo But” ta situá riba Waaigat, pariba di ofisina di Curoil riba Abraham Chumaceiro Bulevar. Ofisina “Paga Bo But” ta habri durante ora di ofisina. Evitá ku bo but ta subi, paga bo transakshon promé ku e kaso den Korte Plasa Bieu a muda
Plasa Bieu a muda pa Plasa Nobo i tin un aparensia nobo. Awor por kome kuminda krioyo riba e piso ariba den plasa Bieu. Gert Rip mester proba òf 'dònder òp'. Esaki ta loke Elmer Wilsoe a duna di konosé.
Wilsoe, ku ta èks minister di Hustisia. a reakshoná riba e deklarashonnan di fiskal Rip den e kaso di apelashon (hoger beroep) di Burney 'Nini' Fonseca. Den e kaso Rip a bisa ku Wilsoe i èks minister George Jamaloodin ta relevante den e kaso. Wilsoe via di telefòn lo a bisa e asesinonan di Helmin Wiels, ku Wiels tabata na e lokalidat di Playa Marie Pampun. Einan defuntu Helmin Wiels a ser likidá riba 5 di mei 2013. Wilsoe ta nenga di ta envolví i ta haña ku Gert Rip mester proba esaki òf 'dònder òp'. E luna di aprel lo ta un luna okupá pa e 21 parlamentarionan. E presidente di parlamentu, William Millerson, ke purba kaba ku e retraso di reunionnan.
Dia 9 di aprel lo tin un reunion tokante enseñansa. E dia siguiente (10) promé minister Rhuggenaath lo bini Staten pa papia tokante Algemene Rekenkamer. Tambe Steven Martina lo bini parlamentu pa papia tokante entre otro oumento di seguro di outo. 12 di aprel lo papia tokante Sehos i diferente intervenshon di Inspekshon. Nota internashonal: Frank Avruch mihó konosí pa e payaso " Bozo" a fayesé na edat di 89 aña. El a fayesé di ataká di kurason. El a hunga Bozo the Clown for di 1959 pa 1970. El a yuda e kanal di televishon na Boston " WCVB-TV pa mas ku 40 aña.
Wes a kondená un pashènt sikiátriko, J.L., di 51 aña na TBS. Pa añanan e tabata terorisá e bario di Tera Pretu (Banda Bou).
E pashènt tin un pasado sikiátriko na entre otro Hulanda. Hulanda lo ta e pais kaminda e lo mester sinta su kondena. Kòrsou tin lei di TBS pero no tin e klínika. Tres hòmber deskonosí a atraká un konserge riba e sementerio di Bottelier. E konserge lo ta biba einan ku su famia. E personanan a pretendé di ta polis i nan tabata armá,
Nan lo a logra kue diferente pertenensianan personal di e famia. El Tributo a tuma medidanan di seguridat. Merka- Polisnan ta desblokia diferente iPhone ku tin e siguridat di Touch ID ku e dedenan di e defuntu. Di e manera aki polis ta evitá e kostonan altu mará na esaki.
Desboklia un iPhone ku dede di e defuntu no ta ilegal. Bo no mester haña pèrmit pa hasi esaki i segun lei amerikano esaki no ta violashon di privasidat. Tambe no mester hasi uso di e kompanianan ku ta desblokia telefòn manera Cellebrite ku ta kosta hopi sèn. Na e momentunan aki polisnan ta buskando un manera kon pa desblokia iPhone X ku ta usa Face ID. |
radio bibu |